昔日
捕 捉 先 機 : 同 母 馬 短 直 路 耍 家 天 地 福 星 轉 場 起 筷

葉 楚 航 馬 房 「 天 地 福 星 」 , 上 仗 ( 總 場 次 343 ) 賽 前 試 閘 表 現 其 實 唔 錯 , 走 勢 有 前 有 後 , 但 落 場 跑 就 完 全 唔 係 嗰 回 事 , 重 溫 競 賽 過 程 , 「 天 地 福 星 」 起 步 後 無 耐 即 守 到 好 位 , 雖 然 喺 二 叠 , 但 拍 住 勝 出 馬 「 牛 精 好 友 」 , 前 面 又 有 遮 擋 , 形 勢 本 來 唔 錯 , 但 唔 知 點 解 直 路 初 就 已 經 跟 唔 住 乏 力 墮 退 , 最 後 更 包 尾 輸 到 超 過 十 個 馬 位 而 回 , 賽 後 檢 驗 又 驗 唔 出 有 乜 問 題 , 原 因 難 明 。

內 在 問 題 雖 然 睇 唔 到 , 但 從 「 天 地 福 星 」 嘅 外 型 睇 , 可 能 由 於 馬 本 身 比 較 細 隻 關 係 , 要 佢 喺 陣 上 用 天 生 速 度 爭 勝 始 終 比 較 難 , 改 用 後 上 跑 法 , 或 選 擇 多 彎 直 路 短 嘅 谷 草 賽 道 , 借 彎 位 回 氣 , 可 能 會 較 適 合 。 事 實 上 , 「 天 地 福 星 」 同 父 馬 「 亮 亮 的 」 雖 然 贏 過 沙 田 , 但 當 時 喺 四 班 , 對 手 又 弱 , 上 到 三 班 , 因 為 衝 程 較 短 , 結 果 都 係 要 跑 谷 草 至 表 現 好 啲 , 「 天 地 福 星 」 嘅 情 況 , 有 可 能 與 「 亮 亮 的 」 相 似 。

再 睇 「 天 地 福 星 」 母 線 家 族 , 整 個 族 系 來 自 澳 洲 塔 斯 曼 尼 亞 , 「 天 地 福 星 」 母 系 Bonus Clause , 一 生 兩 捷 全 喺 直 路 只 有 350 米 嘅 Hobart 馬 場 取 得 , 其 他 母 系 家 族 成 員 如 Interhash 、 For Us All 、 Erbulobo 等 , 幾 乎 全 部 都 只 能 夠 喺 短 直 路 窄 場 贏 馬 , 所 以 計 血 統 , 「 天 地 福 星 」 好 大 機 會 係 短 直 路 窄 場 至 啱 跑 嘅 馬 , 初 出 喺 田 草 大 敗 , 賽 績 唔 使 太 過 介 意 , 畢 竟 , 當 時 只 係 「 天 地 福 星 」 首 次 上 陣 。

上 仗 敗 後 , 葉 楚 航 立 即 安 排 「 天 地 福 星 」 2 月 16 日 試 咗 課 跑 馬 地 1000 米 閘 , 並 改 用 留 前 鬥 後 跑 法 , 果 然 , 喺 轉 場 地 同 改 變 跑 法 之 下 , 「 天 地 福 星 」 入 直 路 後 追 得 唔 錯 , 當 然 , 與 「 天 地 福 星 」 同 試 嘅 只 係 一 眾 進 度 未 係 太 夠 嘅 質 新 馬 , 水 準 唔 算 好 高 , 但 至 少 睇 到 「 天 地 福 星 」 對 快 活 谷 賽 道 唔 抗 拒 先 。 試 閘 之 後 , 「 天 地 福 星 」 埋 門 更 有 拍 跳 工 夫 , 備 戰 動 態 積 極 , 今 次 轉 來 跑 谷 草 1200 , 值 得 畀 多 次 機 會 。

有 利 數 據
● 葉 廐 最 近 有 五 駒 由 田 草 轉 谷 草 上 陣 , 獲 一 亞 兩 季 , 上 名 率 超 過 一 半 。

● 馬 房 近 三 匹 初 出 馬 熱 身 後 , 翌 仗 用 王 牌 上 陣 獲 冠 亞 各 一 。

● 葉 楚 航 最 近 五 駒 角 逐 四 班 谷 草 A 欄 , 取 得 一 冠 兩 季 一 殿 , 僅 一 駒 無 獎 金 。