昔日
馬 圈 八 一 八 : 向 轉 倉 馬 出 發

賽 事 進 入 1 1 月 分 後 , 唔 知 大 家 有 冇 發 覺 多 咗 好 多 突 如 其 來 冷 門 , 查 番 以 往 每 個 馬 季 情 況 都 大 同 小 異 , 其 實 唔 難 理 解 , 因 為 有 啲 舊 馬 跑 咗 幾 場 熱 身 後 狀 態 開 始 到 位 , 而 啲 質 新 馬 雖 然 有 實 力 , 但 未 夠 銳 兼 作 戰 經 驗 稚 嫩 , 尤 其 跑 谷 草 撞 正 啲 地 頭 蟲 鬥 落 真 係 好 蝕 , 講 咗 咁 耐 到 底 點 拆 招 ?

有 馬 迷 會 捧 騎 、 練 , 各 施 各 法 , 但 高 明 自 己 就 會 揀 啲 轉 倉 未 交 代 馬 , 起 碼 估 少 戰 意 呢 一 瓣 , 尤 其 係 減 夠 分 同 路 有 專 長 嗰 啲 , 好 似 剛 啱 就 有 「 盈 進 」 開 齋 , 今 晚 亦 充 斥 一 批 呢 類 馬 , 頭 場 已 經 有 幾 匹 , 當 中 「 欖 球 鑽 石 」 今 季 轉 去 苗 禮 德 度 已 跑 咗 三 場 , 上 仗 一 跑 番 強 項 谷 草 1 0 0 0 米 即 刻 差 啲 贏 , 反 映 狀 態 返 緊 嚟 , 今 次 雖 然 面 對 同 樣 轉 倉 未 贏 兼 強 配 嘅 「 歡 喜 」 、 「 金 威 利 」 , 但 苗 禮 德 一 早 Mark 住 有 七 磅 減 嘅 巫 顯 東 , 低 班 馬 大 家 鬥 放 有 時 就 係 贏 嗰 幾 磅 。

若 果 計 評 分 着 數 就 肯 定 係 第 二 場 「 由 心 出 發 」 , 上 季 仲 喺 苗 禮 德 度 跑 四 班 同 程 周 不 時 上 名 , 不 知 覺 間 現 已 跌 到 3 7 分 , 况 且 麥 菲 文 新 開 倉 贏 馬 最 重 要 , 睇 吓 李 寶 利 幫 唔 幫 到 手 。
向 來 最 擅 長 贏 轉 倉 馬 嘅 方 嘉 柏 , 佢 接 手 第 六 場 「 聰 明 申 報 」 後 一 直 唔 跑 , 試 三 個 大 閘 後 操 到 夠 火 喉 至 打 王 牌 跑 , 好 明 顯 有 決 心 想 一 出 就 交 到 成 績 , 之 不 過 一 望 見 排 1 2 檔 即 時 腳 軟 , 但 翻 查 往 績 同 程 攞 過 四 W 四 P , 試 過 排 外 檔 贏 馬 同 上 名 , 跟 前 、 放 頭 、 後 追 都 見 過 , 可 以 做 得 到 反 映 跑 呢 程 能 力 , 上 次 7 9 分 贏 , 𠵱家 6 6 分 點 秤 都 着 數 ; 仲 有 第 三 場 「 美 麗 之 友 」 、 七 場 「 睡 德 福 」 都 係 叫 緊 糊 嘅 轉 倉 馬 , 前 駒 有 黃 金 一 檔 , 後 駒 落 到 6 0 分 唔 跑 四 班 卻 選 擇 三 班 爭 中 央 競 馬 會 錦 標 , 咁 樣 部 署 有 啲 手 影 睇 得 到 。