昔日
賽 後 評 : 十 二 月 三 日 沙 田 十 場 泥 草 地 日 馬

第 一 場 : 「 天 賜 寶 」 等 泥 地 至 發 難 , 馬 房 最 擅 長 用 呢 招 。 「 好 準 確 」 若 非 杜 利 萊 慣 性 鍾 意 走 外 叠 , 今 場 應 係 佢 贏 。 「 踏 雪 名 駒 」 直 路 冇 位 望 空 , 根 本 冇 發 揮 過 。 「 做 得 好 」 、 「 勝 將 臨 門 」 泥 地 肯 定 啱 跑 加 程 贏 得 。 「 勁 快 步 」 試 準 馬 房 會 好 快 交 代 。

第 二 場 : 「 豹 子 頭 」 細 粒 馬 有 前 有 後 , 但 加 分 後 小 心 重 磅 會 有 影 響 。 「 按 得 澄 」 點 到 即 止 , 四 班 肯 定 超 級 。 「 頌 友 」 老 馬 已 盡 所 能 。 「 連 利 進 寶 」 今 場 當 試 閘 , 再 出 加 程 篤 定 贏 。 「 劍 飛 聲 」 要 再 減 多 幾 分 至 夠 條 件 反 彈 。 「 大 四 喜 」 差 到 唔 似 真 。

第 三 場 : 「 飛 霸 龍 」 1 2 0 0 轉 1 4 0 0 米 有 難 道 照 贏 , 三 班 絕 對 企 得 穩 。 「 美 麗 寶 貝 」 雖 敗 猶 榮 , 質 素 同 前 駒 不 相 伯 仲 。 「 爆 騷 」 有 能 力 但 要 先 搞 好 出 閘 問 題 。 「 威 武 再 現 」 全 條 直 路 塞 死 輸 形 勢 。 「 醒 目 再 臨 」 末 段 有 些 少 追 勢 , 如 見 增 程 可 博 冷 門 。

第 四 場 : 「 喜 之 星 」 睇 走 勢 再 出 可 贏 轉 倉 後 第 三 W 。 「 勁 伶 利 」 馬 房 會 諗 辦 法 交 代 。 「 友 歡 笑 」 因 人 而 熱 , 失 準 馬 只 宜 冷 敲 熱 避 。 「 大 道 至 公 」 又 走 外 叠 , 杜 利 萊 跑 馬 蝕 多 過 賺 ! 「 搖 錢 樹 」 田 泰 安 全 程 望 多 過 騎 , 奇 怪 ? 「 白 玉 凱 旋 」 今 非 昔 比 。

第 五 場 : 「 勇 冠 多 」 減 分 多 兼 用 牌 仔 再 減 多 七 磅 , 馬 房 部 署 見 功 力 。 「 八 心 之 友 」 明 顯 輸 磅 重 。 「 極 速 銀 桂 」 若 非 抽 外 檔 今 場 應 有 機 贏 。 「 一 本 萬 利 」 志 在 熱 身 , 肯 定 係 泥 優 於 草 。 「 機 緣 再 現 」 走 樣 可 能 因 上 仗 博 得 太 盡 。 「 有 得 勁 」 升 班 要 加 程 至 啱 跑 。

第 六 場 : 「 威 利 熱 流 」 遇 上 慢 步 速 追 得 勁 都 冇 用 。 「 都 靈 明 珠 」 巫 顯 東 力 拒 「 家 樂 駿 駒 」 , 鬥 拉 士 有 明 顯 進 步 。 「 理 想 回 報 」 要 弱 組 兼 遇 啱 形 勢 至 有 機 會 贏 。 「 勁 哥 兒 」 一 哩 嫌 短 , 加 程 會 唔 同 。 「 首 飾 大 帝 」 減 多 一 分 落 四 班 會 到 位 。 「 美 麗 寶 寶 」 跑 番 草 地 至 諗 。

第 七 場 : 「 旺 蝦 王 」 以 晨 操 完 成 四 捷 , 前 景 樂 觀 。 「 醒 蹄 飛 」 路 嫌 短 都 可 拋 甩 入 Q , 反 映 今 組 實 力 一 般 。 「 綫 路 神 駒 」 第 三 只 純 靠 輕 磅 捱 到 。 「 猴 王 駒 」 志 不 在 此 , 現 評 分 絕 對 有 能 力 。 「 閃 耀 駿 駒 」 末 段 追 勢 最 勁 , 再 出 不 能 不 防 。 「 花 月 流 星 」 減 分 等 泥 地 。

第 八 場 : 「 軍 炮 」 飛 到 馬 到 , 返 三 班 一 樣 唔 蝕 底 。 「 貨 如 輪 轉 」 潘 頓 已 發 揮 一 絕 , 輸 質 不 如 前 駒 。 「 威 勢 之 寶 」 評 分 未 盡 季 內 仲 有 一 W 。 「 五 星 特 工 」 純 因 雷 神 而 熱 。 「 怪 獸 都 市 」 現 4 1 分 馬 房 求 落 班 。 「 金 地 飛 客 」 確 認 冇 一 哩 長 力 。 「 皇 牌 」 全 程 走 位 太 蝕 。

第 九 場 : 「 喜 悅 繽 紛 」 沿 途 被 頂 走 三 叠 , 輸 個 馬 鼻 真 冇 運 ! 相 反 「 藍 天 堡 馬 」 馬 房 之 前 三 W 手 風 順 到 爆 。 「 赤 兔 寶 駒 」 一 哩 馬 跑 短 途 根 本 難 發 揮 。 「 經 典 帝 國 」 長 短 都 得 確 認 泥 地 性 能 特 佳 。 「 加 州 議 長 」 閹 後 不 進 反 退 。 「 真 先 生 」 現 評 分 易 位 難 贏 。

第 十 場 : 「 醉 多 福 」 沿 途 際 遇 雖 差 , 但 田 泰 安 發 揮 亦 差 。 「 快 利 」 縮 番 1 2 0 0 米 可 補 中 。 「 估 惑 」 重 回 正 軌 三 班 留 唔 住 。 「 鑽 飾 飛 龍 」 贏 在 外 檔 追 無 擠 無 阻 。 「 愛 馬 劍 」 直 路 塞 死 冇 騎 都 近 , 再 出 有 胡 叫 。 「 常 拼 常 勝 」 輸 慢 閘 。 「 魅 影 揚 飛 」 升 班 增 程 難 度 太 高 。