昔日
馬 圈 八 一 八 : 轉 倉 未 勝 馬 有 動 力
呢 個 世 界 沒 有 最 差 , 只 有 更 差 ! 今 個 馬 季 倒 數 只 剩 番 兩 個 月 就 玩 完 , 回 望 今 季 有 好 多 令 人 意 想 不 到 嘅 事 發 生 … …


大 摩 簽 貝 湯 美 做 主 帥 , 半 季 已 揪 頭 唔 制 唔 出 奇 , 最 奇 係 馬 會 發 個 公 司 騎 師 牌 照 俾 貝 湯 美 繼 續 玩 到 季 尾 , 唔 知 係 咪 因 為 人 道 立 場 呢 ? 之 不 過 問 題 係 , 發 個 牌 俾 佢 完 全 冇 Heart , 求 其 亂 跑 嘅 人 有 冇 必 要 呢 ? 只 要 大 家 睇 吓 剛 剛 客 串 嘅 何 華 麟 點 演 繹 「 電 玩 皇 者 」 、 「 遨 遊 神 駒 」 , 再 睇 吓 貝 湯 美 點 騎 「 龍 城 勁 將 」 , 如 果 前 兩 駒 俾 佢 跑 保 證 P 都 冇 !

而 官 方 製 作 嘅 賽 馬 節 目 就 仲 「 突 破 」 , 將 批 分 析 賽 事 OK 嘅 正 規 評 馬 人 換 晒 啲 讀 稿 員 , 坐 低 攞 住 張 排 位 紙 照 噏 , 每 匹 馬 都 或 者 、 如 果 、 應 該 、 可 以 就 講 完 , 最 慘 係 講 嘢 一 嚿 嚿 , 根 本 連 最 基 本 嘅 咬 字 都 有 問 題 , 咁 都 可 以 做 得 賽 馬 節 目 主 持 ? 直 播 就 仲 搞 笑 , 勝 出 組 合 三 揀 一 推 介 A 1 , 但 貼 四 重 彩 又 冇 呢 個 A 1 組 合 嘅 馬 喺 度 , 咁 即 係 點 ? 倒 不 如 玩 勁 啲 , 齊 齊 笠 個 lronman 頭 套 做 Show 好 玩 好 多 !

仲 有 羅 富 全 、 麥 菲 文 齊 齊 新 開 倉 , 之 但 係 麥 菲 文 嘅 成 績 差 到 你 唔 信 , 寫 下 新 開 倉 嘅 練 馬 師 首 季 最 低 頭 馬 紀 錄 。 真 係 唔 明 以 上 種 種 嘅 事 , 馬 會 有 冇 標 準 準 則 , 全 部 都 係 水 平 以 下 , 真 係 要 幾 騎 呢 都 有 !

但 最 令 人 始 料 不 及 , 應 該 係 蔡 明 紹 同 師 傅 告 東 尼 關 係 不 再 , 點 解 搞 成 咁 ? 江 湖 傳 聞 有 好 多 版 本 , 但 自 從 「 勇 敢 傳 說 」 4 月 1 1 號 晚 喺 蔡 明 紹 手 上 跑 谷 草 1 2 0 0 米 輸 咗 後 , 就 再 冇 見 佢 沾 手 師 傅 啲 馬 , 包 括 晨 操 在 內 , 今 晚 第 六 場 「 勇 敢 傳 說 」 再 戰 主 場 , 評 分 調 低 至 7 0 分 , 比 季 初 喺 容 天 鵬 度 6 8 分 贏 馬 時 只 差 兩 分 , 以 告 仔 嘅 功 力 , 冇 理 由 接 得 手 卻 搞 唔 掂 , 只 怕 用 貝 湯 美 所 託 非 人 !

其 實 今 晚 仲 有 好 多 轉 倉 未 贏 嘅 馬 有 得 諗 , 好 似 與 「 勇 敢 傳 說 」 同 場 嘅 「 醉 多 福 」 , 由 文 家 良 去 咗 沈 集 成 後 一 直 操 而 不 戰 , 擺 明 冇 把 握 就 唔 跑 , 今 晚 呢 兩 隻 馬 串 Q 返 嚟 機 會 好 大 , 事 關 大 家 都 想 交 代 , 但 買 W 就 一 定 潘 頓 穩 陣 好 多 。

再 數 就 肯 定 到 Gilson 高 伯 新 嘅 第 一 場 「 雄 獅 動 力 」 及 七 場 「 鵲 橋 飛 渡 」 兩 隻 轉 倉 未 交 代 馬 , 若 果 大 家 唔 善 忘 嘅 話 , 應 該 記 得 Gilson 初 開 倉 時 就 靠 贏 呢 類 馬 火 速 上 位 , 自 從 經 歷 低 谷 後 接 手 嘅 「 魔 幻 神 駿 」 、 「 精 壯 神 駿 」 、 「 無 限 欣 賞 」 、 「 閃 耀 駿 駒 」 全 部 有 頭 馬 交 出 。 睇 番 「 鵲 橋 飛 渡 」 加 盟 後 近 兩 仗 1 8 0 0 米 已 開 始 有 嘢 睇 , 雖 然 𠵱家 6 2 分 有 啲 尷 尬 , 唔 知 會 否 等 落 班 ? 之 但 係 有 賠 率 又 唔 怕 博 。 至 於 「 雄 獅 動 力 」 上 場 Gilson 接 手 後 首 戰 即 刻 有 P , 復 課 啄 住 呢 場 做 功 夫 , 2 0 分 馬 冇 乜 好 等 , 試 準 咗 因 為 超 輕 磅 擺 個 田 泰 安 上 去 , Gilson 擺 明 車 馬 打 硬 仗 。