昔日
馬 圈 八 一 八 : 雷 神 冇 包 袱 盡 贏

雷 神 對 上 兩 期 停 賽 , 馬 迷 均 認 為 潘 頓 勢 必 趁 呢 個 大 好 機 會 發 功 , 盡 可 能 反 先 兼 贏 甩 雷 神 等 佢 追 , 之 但 係 事 實 往 往 相 反 , 喺 呢 一 日 一 夜 賽 馬 , 潘 頓 仿 似 例 行 公 事 每 日 兩 W , 若 果 追 住 佢 嘅 馬 嚟 捧 真 係 輸 到 叫 「 白 車 」 !

唔 知 巧 合 抑 或 其 他 原 因 , 事 後 睇 你 會 感 覺 好 似 早 有 劇 本 咁 ; 雷 神 突 然 宣 告 下 季 赴 日 本 發 展 , 老 實 講 , 日 本 馬 會 個 日 文 試 都 未 考 , 不 一 定 成 功 攞 到 牌 照 , 之 但 係 雷 神 事 先 張 揚 , 反 映 佢 要 離 開 香 港 早 已 狠 下 決 心 , 話 就 話 因 為 家 中 孩 子 嘅 將 來 而 作 出 艱 難 決 定 , 之 但 係 坊 間 亦 有 傳 言 , 雷 神 好 響 往 日 本 賽 馬 嘅 廉 潔 ! 細 味 呢 番 說 話 可 圈 可 點 , 一 切 盡 在 不 言 中 。

今 晚 雷 神 停 賽 復 出 , 由 於 只 餘 下 九 期 賽 事 就 離 開 香 港 , 呢 個 第 四 次 冠 軍 騎 師 名 銜 , 雷 神 志 在 必 得 , 重 點 係 佢 已 冇 晒 包 袱 , 呢 刻 眼 裏 只 有 贏 馬 一 個 目 標 , 做 任 何 嘢 最 緊 要 心 中 有 一 把 「 火 」 , 往 往 可 化 腐 朽 為 神 奇 , 況 且 攞 埋 呢 個 冠 軍 , 去 到 日 本 氣 勢 都 零 舍 唔 同 。

睇 番 出 馬 實 力 , 雷 神 騎 足 八 場 , 潘 頓 就 騎 七 場 , 馬 迷 最 渴 望 自 然 係 佢 兩 個 連 場 埋 身 肉 搏 , 整 體 計 高 明 覺 得 雷 神 稍 為 高 盤 些 少 , 賀 賢 兩 匹 王 牌 馬 第 一 場 「 本 事 」 、 二 場 「 勇 駒 」 都 用 雷 神 , 前 駒 上 仗 同 程 雷 神 揀 騎 「 飛 雲 寶 」 贏 馬 , 「 本 事 」 用 沈 拿 做 替 工 都 第 三 , 今 次 騎 番 好 合 理 , 馬 主 鍾 建 書 上 匹 愛 駒 「 奪 冠 」 由 雷 神 開 齋 , 佢 囝 囝 鍾 韙 㻺 隻 「 爭 分 奪 秒 」 歷 來 1 5 戰 六 W 六 Q 三 P 未 甩 過 , 亦 係 雷 神 一 手 包 辦 , 今 晚 擺 明 向 潘 頓 隻 熱 門 「 友 瑩 采 」 挑 機 。 至 於 「 勇 駒 」 剛 仗 重 投 雷 神 懷 抱 即 刻 有 Q , 查 番 賽 績 人 馬 共 夾 檔 四 次 , 兩 W 一 Q 一 第 四 , 準 到 你 唔 信 。

第 四 場 「 陽 明 滿 滿 」 亦 有 望 幫 雷 神 再 入 一 粒 , 上 場 初 跑 谷 草 雷 神 試 完 唔 騎 揀 咗 「 永 旺 喜 喜 」 跑 第 三 , 證 明 冇 選 擇 錯 誤 , 今 次 加 程 跑 1 2 0 0 米 雷 神 即 一 早 卜 定 騎 , 而 且 有 運 抽 到 三 檔 , 係 呢 個 非 常 時 期 , 雷 神 嘅 選 擇 百 分 百 可 信 賴 。