昔日
馬 圈 八 一 八 :
谷 草 煞 科   李 易 達 賀 賢 順

今 季 谷 草 最 後 一 擊 , 對 部 分 未 達 標 馬 房 嚟 講 非 常 重 要 , 事 關 谷 草 對 手 較 弱 , 只 要 部 署 得 好 , 或 手 上 批 馬 係 谷 草 專 家 , 可 贏 到 你 唔 信 。


李 易 達 仍 差 一 W 至 夠 數 畢 業 , 旗 下 馬 勢 必 冇 保 留 , 今 晚 佢 派 近 績 好 嘅 第 二 場 「 響 噹 噹 」 及 五 場 「 南 莊 加 寶 」 應 戰 , 好 明 顯 想 趁 馬 當 弗 幫 馬 房 渡 過 難 關 。 「 南 莊 加 寶 」 跑 開 田 草 級 數 肯 定 高 過 今 組 馬 , 上 場 若 非 田 泰 安 留 得 太 後 未 必 追 唔 到 「 駿 風 馳 」 , 今 次 換 潘 明 輝 再 減 多 五 磅 , 估 計 唔 會 再 留 得 太 後 , 好 大 機 會 補 飛 成 功 。

其 實 睇 番 谷 草 煞 科 成 績 , 賀 賢 、 方 嘉 柏 同 姚 本 輝 零 舍 OK , 上 季 賀 賢 同 方 仔 全 綫 搏 殺 , 𠴱晚 賀 賢 出 六 隻 , 攞 到 兩 W 兩 Q 一 第 四 , 當 中 「 勤 德 兼 備 」 、 「 順 勢 寶 」 食 過 翻 尋 味 , 今 晚 又 再 來 。 第 四 場 「 勤 德 兼 備 」 上 季 谷 草 煞 科 爆 1 0 2 倍 大 冷 後 , 今 季 1 1 戰 只 響 谷 草 一 哩 跑 過 第 三 , 評 分 㩒 到 6 0 分 可 以 落 四 班 跑 , 計 死 數 季 初 同 程 只 輸 俾 上 周 三 又 贏 三 班 嘅 「 雷 公 鑿 」 , 而 「 勤 德 兼 備 」 卻 出 戰 四 班 , 用 大 蝦 細 嚟 形 容 絕 唔 誇 張 ! 至 於 第 七 場 「 順 勢 寶 」 今 季 只 跑 五 場 , 體 力 比 起 同 場 對 手 會 賺 到 甜 頭 , 評 分 亦 比 上 季 谷 草 煞 科 戰 入 Q 時 低 , 季 內 仲 未 有 交 代 , 賀 賢 應 會 交 功 課 。

除 咗 呢 兩 駒 外 , 第 二 場 「 索 先 生 」 及 尾 場 「 順 意 寶 」 一 樣 攻 力 十 足 , 前 駒 季 初 同 程 若 非 潘 明 輝 攞 位 論 盡 已 擒 咗 「 同 進 」 , 今 晚 如 願 以 償 剛 好 6 0 分 落 四 班 跑 , 對 手 完 全 兩 回 事 , 繼 續 用 史 卓 豐 而 唔 用 徒 弟 潘 明 輝 減 磅 , 好 明 顯 賀 賢 計 過 數 有 信 心 食 硬 呢 批 四 班 馬 。 至 於 韋 達 架 私 家 車 「 順 意 寶 」 , 上 場 睇 住 「 開 心 神 駒 」 嚟 食 , 贏 谷 草 1 2 0 0 米 交 出 1 分 0 9 秒 6 7 時 間 , 快 過 同 晚 另 一 組 頭 馬 「 醉 多 福 」 1 分 0 9 秒 8 7 , 後 駒 已 上 咗 二 班 , 「 順 意 寶 」 繼 續 喺 三 班 孭 1 2 6 磅 着 數 到 暈 , 單 睇 晨 課 韋 達 當 佢 如 珠 如 寶 攬 到 實 一 實 , 就 知 呢 匹 「 順 意 寶 」 仲 有 料 喺 手 。