go prev
zoom
go next
圖片: 1 / 2
昔日
馬 圈 八 一 八 ： 沈 集 成 等 住 掃 貨

馬 季 一 開 波 Danny 沈 集 成 殺 得 性 起 ， 已 經 連 續 四 個 賽 日 有 頭 馬 進 賬 ， 剛 啱 夜 賽 「 動 力 飛 鷹 」 、 「 開 心 歡 星 」 僅 敗 ， 倘 若 運 氣 好 啲 啲 ， 點 止 贏 一 匹 「 勁 飛 勁 」 咁 少 ？ 今 日 Danny 八 匹 擺 陣 ， 特 別 處 係 有 四 駒 在 9 . 1 6 「 山 竹 」 襲 港 日 位 列 正 選 ， 而 喺 賽 事 取 消 後 等 到 今 次 至 再 跑 。

數 一 數 今 日 共 有 1 7 駒 係 該 次 被 取 消 賽 事 馬 匹 ， 當 中 1 3 駒 （ 見 表 ） 更 特 登 等 番 同 一 路 程 才 跑 ， 沈 集 成 「 貨 如 輪 轉 」 、 「 好 運 齊 來 」 、 「 金 鼓 齊 鳴 」 係 其 中 三 匹 。 第 二 場 「 貨 如 輪 轉 」 9 . 1 6 配 潘 頓 跑 泥 地 1 6 5 0 米 ， 取 消 賽 事 後 喺 2 8 號 朝 試 多 次 泥 閘 ， 備 戰 程 序 升 級 ， 高 明 查 過 呢 匹 都 係 從 化 兵 嚟 ， Danny 啲 從 化 兵 有 幾 勁 大 家 都 好 清 楚 ， 潘 頓 卜 住 唔 放 手 一 定 有 計 。

第 四 場 「 好 運 齊 來 」 暑 期 由 大 摩 轉 去 Danny 度 ， 開 鑼 日 已 經 跑 過 一 場 田 草 1 6 0 0 米 ， 全 程 快 放 下 拉 士 2 0 0 米 轉 弱 得 第 四 ， 係 服 役 以 嚟 首 次 有 獎 金 收 ， 反 映 Danny 接 手 後 有 明 顯 轉 機 ， 今 日 縮 短 2 0 0 米 跑 番 9 . 1 6 已 報 名 嘅 1 4 0 0 米 ， 計 死 數 有 好 無 壞 ， 始 終 五 歲 馬 年 輕 力 壯 點 都 賺 到 啲 甜 頭 。

麥 偉 利 想 金 鼓 齊 鳴
要 數 實 力 最 強 肯 定 係 第 七 場 隻 「 金 鼓 齊 鳴 」 ， 開 鑼 日 配 麥 偉 利 殺 入 Q ， 賽 後 因 不 小 心 策 騎 被 罰 停 賽 兩 日 ， 更 因 為 想 9 . 1 6 可 以 繼 續 騎 此 駒 而 要 求 小 組 改 動 停 賽 日 期 ， 最 終 因 取 消 跑 不 成 而 麥 偉 利 亦 已 刑 滿 復 出 ， 期 間 操 練 由 他 一 手 包 辦 ， 對 「 金 鼓 齊 鳴 」 緊 張 到 爆 ， 好 明 顯 係 佢 開 齋 希 望 所 在 ！