昔日
馬 圈 八 一 八 : 重 來 的 救 兵 掂

行 船 跑 馬 三 分 險 , 果 真 一 啲 都 冇 錯 , 阿 Tye 安 國 倫 嚟 做 雷 霆 救 兵 客 串 一 日 , 點 知 咁 就 出 事 , 仲 要 係 騎 向 來 性 格 乖 巧 嘅 「 美 麗 寶 寶 」 , 命 數 嘅 嘢 真 係 冇 得 你 避 , 只 能 嘆 一 句 無 奈 , 喺 度 衷 心 祝 願 阿 Tye 早 日 康 復 , 繼 續 喺 馬 圈 發 光 發 熱 , 所 有 嘅 香 港 馬 迷 都 會 幫 佢 集 氣 , 聚 集 正 能 量 。

今 晚 輪 到 另 一 位 客 串 騎 師 2 3 歲 愛 爾 蘭 神 奇 小 子 Oisin 莫 艾 誠 登 場 , 雖 然 佢 喺 1 6 年 嚟 做 過 三 個 月 公 司 騎 師 , 期 間 贏 過 四 W , 而 上 季 國 際 賽 日 同 季 尾 嘅 遮 打 盃 亦 有 策 外 隊 馬 嚟 出 戰 , 仲 幫 告 仔 嘅 「 代 代 為 王 」 贏 出 在 港 唯 一 頭 馬 , 之 不 過 冇 跟 開 外 國 賽 事 嘅 馬 迷 , 可 能 會 對 佢 稍 稍 陌 生 。 Oisin 算 係 近 年 歐 洲 冒 起 甚 速 嘅 新 星 , 年 紀 輕 輕 嘅 佢 現 時 係 卡 塔 爾 賽 馬 集 團 歐 洲 首 席 騎 師 , 今 季 已 經 贏 咗 1 0 場 國 際 G 1 , 應 屆 歐 洲 馬 王 「 猛 獅 怒 吼 」 就 係 由 佢 主 理 , 原 本 Oisin 以 1 1 4 分 壓 住 1 0 6 分 嘅 莫 雅 喺 浪 琴 表 全 球 最 佳 騎 師 榜 帶 緊 頭 , 點 知 臨 天 光 畀 戴 圖 理 以 「 成 全 寶 」 蟬 聯 法 國 凱 旋 門 大 賽 , 一 鞭 過 頭 遲 嚟 先 上 岸 , Oisin 飲 恨 屈 居 第 二 。

響 歐 洲 越 來 越 紅 嘅 Oisin 今 晚 有 六 匹 座 騎 , 包 括 「 必 定 掂 」 、 「 青 年 軍 」 、 「 勇 敢 傳 說 」 、 「 春 盈 」 、 「 精 壯 神 駿 」 同 「 易 勝 相 吸 」 , 數 淵 源 肯 定 係 告 東 尼 同 蘇 偉 賢 , 尤 其 蘇 偉 賢 響 Oisin 嚟 做 公 司 騎 師 嗰 陣 合 作 贏 過 兩 W , 今 晚 頭 場 隻 「 必 定 掂 」 排 位 雖 唔 多 理 想 , 之 但 係 個 分 已 經 落 咗 好 多 , 上 場 1 0 0 0 米 前 段 明 顯 越 嚟 越 慢 , 今 次 跑 番 1 2 0 0 米 估 計 會 留 住 鬥 拉 士 , 只 要 臨 場 有 快 步 速 幫 吓 手 , 都 唔 好 太 睇 死 佢 。

第 三 場 匹 「 勇 敢 傳 說 」 肯 定 告 仔 計 過 度 過 啱 晒 Oisin 發 揮 , 事 關 呢 匹 懶 馬 要 由 頭 剷 到 尾 , 歐 洲 騎 師 向 來 至 叻 跑 中 長 途 , 睇 過 Oisin 贏 「 猛 獅 怒 吼 」 同 喺 澳 洲 覺 士 盾 騎 「 拼 百 圖 」 , 只 輸 畀 馬 后 「 雲 絲 仙 子 」 嘅 表 現 , 大 家 就 明 白 告 仔 點 解 Mark 佢 跑 。 至 於 其 他 嗰 四 匹 馬 望 落 「 春 盈 」 較 似 啲 樣 , 可 惜 又 執 個 1 0 檔 , 真 係 要 考 考 Oisin 嘅 功 夫 同 運 氣 。