昔日
馬 圈 八 一 八 : 兩 個 Tony 撐 田 泰 安

雷 神 以 蔡 廐 主 帥 身 分 回 歸 , 演 出 是 否 係 大 家 預 期 之 內 ? 睇 國 際 賽 嗰 日 贏 「 翠 龍 」 、 「 精 算 風 暴 」 , 換 轉 其 他 騎 師 跑 頂 多 得 第 三 , 反 映 如 果 真 係 要 搏 殺 , 雷 神 真 係 可 以 騎 高 好 多 , 只 要 蔡 約 翰 攻 擊 展 開 , 一 日 數 三 、 四 粒 係 必 然 會 出 現 嘅 等 閒 事 , 講 開 唔 知 大 家 有 冇 發 覺 , 雷 神 歸 位 後 潘 頓 明 顯 醒 番 晒 , 香 港 瓶 贏 「 時 時 精 綵 」 全 程 拿 捏 步 速 精 準 , 絕 對 係 大 師 級 演 繹 , 即 使 剛 啱 夜 賽 贏 五 班 馬 「 葵 涌 老 友 」 留 放 亦 一 絕 , 唔 通 真 係 要 有 壓 迫 至 會 使 出 真 功 夫 ?

跑 埋 今 日 潘 頓 就 要 開 始 停 賽 三 日 , 騎 足 1 1 場 有 唔 少 屬 揀 手 馬 , 第 八 場 「 競 技 勇 士 」 , 馬 主 華 協 會 嘅 馬 向 來 搏 殺 時 潘 頓 就 會 自 動 埋 位 , 上 場 直 路 賽 輸 個 零 身 位 走 咗 光 , 今 日 打 王 牌 轉 跑 來 港 前 上 過 名 嘅 1 2 0 0 米 , 只 要 唔 係 熱 門 就 有 得 博 , 仲 有 應 屆 昆 士 蘭 打 吡 亞 軍 第 九 場 「 鴻 圖 巨 星 」 , 目 標 係 爭 分 進 軍 香 港 打 吡 之 路 , 羅 六 爺 國 際 賽 日 已 有 「 達 龍 駒 」 一 出 即 搏 跑 第 三 , 今 日 輪 到 「 鴻 圖 巨 星 」 , 睇 潘 頓 點 樣 利 用 二 檔 優 勢 。

除 咗 潘 頓 , 田 泰 安 亦 冇 因 雷 神 返 咗 嚟 而 跌 Watt , 告 仔 向 來 出 咗 名 對 騎 師 要 求 高 , 另 一 個 洋 名 Tony 嘅 練 馬 師 苗 禮 德 都 一 樣 , 今 季 同 樣 咁 重 用 田 泰 安 , 今 日 安 仔 嘅 籌 碼 主 要 嚟 自 呢 兩 個 倉 , 尤 其 係 老 苗 兩 隻 質 新 武 器 二 場 「 翡 翠 綠 」 、 三 場 「 高 耀 智 星 」 , 晨 咁 早 已 見 田 泰 安 攬 住 當 寶 摸 到 實 , 反 映 呢 兩 匹 馬 喺 佢 心 中 地 位 , 老 苗 將 兩 張 王 牌 用 落 佢 哋 度 , 搞 到 「 瑩 之 光 」 位 列 後 備 最 終 拉 倉 不 愉 快 收 場 ! 正 因 為 咁 , 更 睇 到 呢 兩 隻 王 牌 馬 唔 係 有 Big 「 餐 士 」 , 又 點 會 非 跑 不 可 ?

悅 裕 唔 驚 請 跟 我 來
半 個 主 帥 馬 房 嘅 告 仔 就 有 三 駒 配 安 仔 , 第 五 場 「 鑽 石 達 人 」 轉 倉 後 跑 兩 場 只 得 個 近 字 , 忽 然 打 王 牌 轉 戰 田 草 1 4 0 0 米 , 查 來 港 前 喺 澳 洲 所 贏 兩 W 都 係 呢 程 , 告 仔 突 然 間 有 咁 嘅 部 署 , 大 家 真 係 要 提 防 呢 支 冷 箭 ; 仲 有 尾 場 「 悅 裕 」 , 兜 兜 轉 轉 又 跑 番 歷 來 兩 W 嘅 田 草 1 4 0 0 米 , 馬 主 上 個 星 期 特 登 幫 新 鮮 出 爐 全 球 最 佳 騎 師 戴 圖 理 做 生 日 , 喺 馬 圈 交 遊 廣 闊 , 今 場 「 悅 裕 」 雖 面 對 三 歲 新 星 「 請 跟 我 來 」 , 之 但 係 照 秤 「 悅 裕 」 已 四 歲 點 都 會 賺 到 啲 甜 頭 嘅 ! 仲 有 第 九 場 蕭 家 隻 「 紅 心 傾 」 , 來 港 前 七 戰 五 W 兩 Q 夠 準 , 同 線 「 百 獸 王 」 一 出 都 差 啲 得 手 爆 大 冷 , 真 係 咪 當 佢 冇 到 !