昔日
賽 後 評 : 十 二 月 十 九 日 沙 田 八 場 泥 地 夜 馬

第 一 場 : 「 萬 霸 駒 」 終 於 由 雷 神 開 齋 , 全 程 走 位 一 流 , 絕 對 可 以 當 教 材 。 「 勁 快 步 」 加 程 比 跑 短 途 好 , 下 仗 補 中 機 高 。 「 勁 飛 寶 寶 」 五 班 有 利 , 跑 番 草 地 一 樣 惡 。 「 有 衝 勁 」 騎 落 冇 預 期 勁 , 可 能 係 磅 位 關 係 。 「 好 運 齊 來 」 放 唔 出 注 定 冇 運 行 。 「 勇 晉 神 駒 」 評 分 失 優 勢 。

第 二 場 : 「 超 然 」 落 班 一 擊 即 中 , 反 映 今 組 五 班 馬 水 準 平 平 。 「 樂 多 福 」 雷 神 已 施 展 渾 身 解 數 , 換 人 騎 可 能 P 都 冇 。 「 開 心 再 現 」 目 前 評 分 有 反 彈 空 間 。 「 七 星 拱 照 」 跟 好 位 騎 落 唔 多 , 谷 草 短 途 係 唯 一 出 路 。 「 幸 運 大 兄 」 性 能 偏 均 速 , 練 好 氣 量 跑 一 哩 可 偷 鷄 。

第 三 場 : 「 好 腳 頭 」 回 一 回 又 爆 , 八 歲 老 馬 難 怪 馬 房 唔 願 放 手 。 「 陽 光 大 地 」 沿 途 忽 上 忽 落 , 走 勢 古 怪 ! 「 歡 悅 星 」 全 程 刻 意 走 外 叠 唔 搵 遮 擋 , 唔 明 係 乜 策 騎 指 示 ? 「 悅 目 星 光 」 泥 地 性 能 一 般 。 「 旺 財 生 暉 」 易 位 難 贏 。 「 萬 馬 歡 騰 」 換 雷 神 亦 只 係 得 個 近 , 不 值 再 追 。

第 四 場 : 「 紫 雲 星 」 今 場 突 然 交 番 前 速 放 到 , 下 次 未 必 可 以 交 出 同 樣 水 準 。 「 旋 風 腿 」 人 馬 已 跑 盡 , 睇 落 要 碰 正 弱 組 至 有 糊 叫 。 「 頌 友 」 全 靠 一 檔 兼 用 黃 俊 減 七 磅 。 「 星 日 名 駒 」 有 心 偷 鷄 , 但 明 顯 路 程 有 些 少 短 。 「 勇 冠 多 」 勝 後 評 分 已 飽 和 。 「 深 愛 」 志 不 在 此 。

第 五 場 : 「 金 湶 德 」 僅 僅 放 到 , 今 季 已 兩 W 寶 尾 勿 追 。 「 協 力 神 駒 」 末 段 追 勁 嚇 人 , 試 到 泥 地 冇 問 題 , 馬 房 會 好 快 交 代 。 「 八 心 之 友 」 同 雷 神 真 係 八 字 唔 夾 ? 騎 親 例 冇 影 ! 「 靚 加 加 」 1 2 0 0 米 根 本 嫌 短 。 「 喜 菜 」 復 現 走 勢 , 返 谷 草 遇 冷 可 博 。 「 愛 飛 一 號 」 失 準 難 靠 。

第 六 場 : 「 怪 獸 剋 星 」 轉 何 良 後 草 地 熱 身 一 場 跑 番 泥 地 即 還 我 本 色 , 季 內 仲 會 有 頭 馬 交 出 。 「 威 利 熱 流 」 搞 一 輪 換 韋 達 求 賠 率 , 點 知 中 伏 俾 舊 將 氣 走 , 人 算 不 如 天 算 ! 廐 侶 「 金 如 意 」 全 程 走 位 求 其 了 事 ! 「 神 州 福 星 」 肯 定 係 大 長 途 馬 。 「 架 勢 」 三 班 確 認 力 有 不 逮 。

第 七 場 : 「 藍 天 堡 馬 」 遠 征 歸 來 後 狀 態 明 顯 未 恢 復 , 重 磅 亦 係 一 大 難 題 。 「 激 賞 」 賠 率 由 頭 熱 到 尾 , 果 然 手 到 拿 來 , 但 細 隻 馬 加 磅 後 會 有 影 響 。 「 估 惑 」 沿 途 走 外 叠 , 認 真 肉 酸 ! 「 妙 算 達 人 」 休 後 旨 在 熱 身 , 返 草 地 有 糊 叫 。 「 盈 利 駿 馬 」 遇 冷 特 別 醒 神 。

第 八 場 : 「 精 算 閃 擊 」 以 大 超 級 姿 態 開 齋 , 有 點 不 可 思 議 感 覺 ! 「 軍 力 勁 」 直 路 越 騎 越 褪 , 差 到 唔 似 真 , 今 仗 敗 有 保 留 。 「 叫 關 健 康 」 沿 欄 不 上 不 落 , 似 試 準 泥 地 能 應 付 , 再 跑 勿 掉 以 輕 心 。 「 加 州 更 好 」 排 位 差 影 響 發 揮 。 「 精 英 寶 貝 」 轉 倉 後 兩 戰 令 人 失 望 。