昔日
賽 後 評 : 一 月 六 日 沙 田 十 場 泥 草 地 日 馬
 

第 一 場 : 「 漸 信 名 駒 」 贏 馬 姿 態 篤 定 , 季 內 仍 會 有 頭 馬 見 面 。 「 樂 多 福 」 因 人 而 熱 已 失 博 彩 價 值 。 「 日 東 昇 」 轉 倉 即 入 Q , 養 得 番 五 班 惡 。 「 心 思 熟 慮 」 近 兩 戰 均 追 近 , 六 歲 馬 有 機 會 開 齋 。 「 不 忘 初 心 」 谷 草 短 途 至 吼 。 「 財 帥 」 志 在 熱 身 , 中 距 離 才 是 射 程 。

第 二 場 : 「 盛 勢 」 贏 來 似 險 實 易 , 跑 五 班 根 本 虎 入 羊 群 。 「 凱 旋 星 光 」 現 評 分 競 爭 力 十 足 , 只 是 胃 口 難 測 。 「 龍 騰 馬 躍 」 全 程 外 叠 輸 形 勢 。 「 戈 寶 」 谷 草 一 哩 係 唯 一 出 路 。 「 七 星 拱 照 」 估 計 應 非 短 途 馬 。 「 駕 迅 」 直 路 根 本 冇 發 揮 過 。 「 七 寶 」 好 快 會 到 位 。

第 三 場 : 「 天 下 為 攻 」 再 敗 一 仗 , 已 直 落 四 場 走 樣 , 不 應 再 憧 憬 跑 得 番 ! 「 有 理 共 想 」 大 半 程 左 衝 右 突 揾 位 , 應 贏 可 惜 變 第 三 。 「 薈 力 之 城 」 早 段 見 韋 達 力 騎 亦 似 跟 唔 住 , 有 點 要 增 程 味 道 。 「 旌 暉 」 全 程 無 擠 無 阻 , 贏 運 氣 兼 有 班 底 。 「 真 好 彩 」 爭 級 際 賽 力 有 未 逮 。

第 四 場 : 「 常 山 耆 寶 」 升 班 打 叠 贏 , 以 馬 房 作 風 必 有 分 在 手 才 如 此 , 再 出 三 W 唔 意 外 。 「 老 友 記 」 快 步 速 下 頂 到 條 Q , 下 仗 可 坐 正 。 「 慣 勝 積 極 」 現 評 分 尷 尬 。 「 心 慷 慨 」 末 段 追 好 多 , 跑 四 班 有 級 數 , 肯 熱 食 谷 草 短 途 穩 贏 。 「 協 力 神 駒 」 差 到 唔 似 真 !

第 五 場 : 「 蒙 古 傳 奇 」 泥 地 現 真 身 , 徐 廐 初 跑 泥 地 馬 宜 優 先 考 慮 。 「 贏 科 超 影 」 尺 寸 馬 稍 嫌 出 頭 過 早 。 「 佳 知 武 仕 」 沈 拿 騎 來 論 論 盡 盡 , 應 贏 變 第 三 。 「 冰 糖 葫 蘆 」 季 內 一 W 一 Q 已 有 交 代 , 開 始 減 分 。 「 有 獎 」 換 潘 頓 未 見 真 章 , 向 來 利 冷 不 利 熱 。

第 六 場 : 「 印 印 腳 」 頭 兩 段 放 咁 快 根 本 等 同 自 殺 ! 「 好 運 」 刻 意 跟 前 , 好 明 顯 跑 錯 , 下 仗 留 住 跑 變 身 唔 意 外 。 「 金 碧 科 」 食 正 快 步 速 及 時 趕 上 , 再 出 未 必 有 同 樣 形 勢 。 「 暴 風 俠 」 上 仗 只 贏 「 勝 在 煌 」 , 實 力 有 待 引 證 。 「 一 舖 成 名 」 成 條 直 路 塞 多 過 跑 。

第 七 場 : 「 紫 雲 星 」 換 蘇 兆 輝 打 叠 兩 W , 升 三 班 負 輕 磅 仍 有 偷 襲 條 件 。 「 金 湶 德 」 評 分 已 飽 和 。 「 狀 元 才 」 轉 方 廐 後 兩 戰 均 大 熱 倒 灶 , 歴 來 只 一 W 不 值 熱 捧 。 「 八 心 之 友 」 未 減 夠 分 。 「 鵰 神 」 若 非 起 步 脫 脚 今 仗 坐 二 望 一 。 「 馬 奇 財 」 鬥 志 飄 忽 難 捉 !

第 八 場 : 「 動 力 飛 鷹 」 贏 來 似 大 超 班 全 靠 有 偏 快 步 速 之 助 。 「 金 童 」 四 班 跑 谷 草 會 較 有 把 握 。 「 千 金 一 諾 」 好 明 顯 黃 俊 騎 唔 郁 ! 「 其 樂 無 窮 」 八 歲 馬 老 而 未 頹 。 「 乘 勝 追 擊 」 轉 倉 兩 戰 均 第 三 , 反 映 能 力 係 咁 多 ! 「 君 臨 大 地 」 減 分 多 跑 番 一 哩 冷 可 敲 。

第 九 場 : 「 請 跟 我 來 」 輕 鬆 補 中 , 但 三 歲 馬 再 出 要 負 重 磅 太 熱 不 無 戒 心 ! 「 蟲 草 之 星 」 上 季 贏 得 「 勁 無 比 」 , 三 班 一 定 夠 贏 。 「 遨 遊 神 駒 」 全 程 外 叠 望 空 敗 不 作 準 。 「 心 中 有 您 」 谷 草 對 手 弱 較 有 把 握 。 「 連 利 之 星 」 落 三 班 即 有 走 勢 , 老 馬 未 盡 退 化 。

第 十 場 : 「 嘉 應 之 星 」 北 半 球 馬 初 出 贏 一 哩 , 前 景 看 俏 。 「 快 益 善 」 、 「 百 獸 王 」 後 追 馬 同 被 慢 步 速 困 死 , 落 敗 非 戰 之 罪 。 「 喜 蓮 騏 星 」 兩 戰 一 放 一 追 已 試 準 , 好 快 到 位 。 「 得 勝 駒 」 上 二 班 後 易 位 難 贏 。 「 添 滿 意 」 、 「 傑 彩 繽 紛 」 加 程 有 糊 叫 。