昔日
馬 圈 八 一 八 : 韋 達 Farewell
 

今 日 雖 則 話 仲 係 初 六 , 既 冇 大 賽 但 卻 一 定 會 令 好 多 人 難 以 忘 懷 嘅 一 個 賽 馬 日 , 雖 然 韋 達 掛 靴 大 家 都 睇 到 有 啲 滯 , 之 不 過 滯 歸 滯 , 始 終 係 值 得 令 人 記 念 嘅 一 日 。

韋 達 在 9 7 回 歸 前 趕 上 尾 班 車 紮 根 香 港 , 由 2 0 0 0 年 開 始 連 續 1 3 屆 成 為 冠 軍 騎 師 , 因 而 有 韋 十 三 嘅 稱 號 , 是 否 後 有 來 者 就 唔 知 , 但 要 打 破 晒 佢 在 港 所 創 嘅 紀 錄 , 睇 怕 都 幾 難 ! 韋 達 騎 馬 雖 唔 會 俾 到 你 賞 心 悅 目 嘅 感 覺 , 之 但 係 佢 贏 嘅 所 有 頭 馬 如 假 包 換 , 裏 面 充 滿 着 辛 酸 與 汗 水 , 絕 對 值 得 我 哋 尊 重 。

第 四 場 賽 後 告 別 儀 式
最 後 一 戰 韋 達 能 否 完 美 落 幕 ? 相 信 好 多 馬 迷 同 高 明 一 樣 對 佢 充 滿 信 心 , 今 日 韋 達 騎 七 駒 , 馬 會 將 喺 第 四 場 賽 後 幫 韋 達 做 個 告 別 儀 式 , 咁 啱 得 咁 蹺 牌 面 最 惡 嘅 「 與 龍 共 舞 」 編 喺 第 三 場 , 講 開 又 講 , 「 與 龍 共 舞 」 會 係 韋 達 嘅 掛 靴 馬 , 喺 仲 未 報 名 已 通 晒 天 , 有 冇 咁 神 ? 跑 完 就 有 答 案 , 但 純 粹 以 動 態 嚟 計 呢 鋪 絕 對 誠 意 十 足 , 上 仗 報 完 名 整 課 泥 閘 至 跑 , 結 果 手 到 拿 來 , 今 次 賽 前 一 樣 有 做 閘 , 雖 然 升 上 二 班 跑 對 手 唔 同 咗 , 但 「 與 龍 共 舞 」 話 晒 都 係 新 西 蘭 G 1 利 雲 經 典 賽 盟 主 , 同 呢 批 馬 跑 絕 對 唔 輸 蝕 。

至 於 其 他 場 次 嘅 座 騎 , 初 出 嘅 第 二 場 「 牛 角 仔 」 、 第 九 場 「 錶 之 銳 」 同 尾 場 「 志 在 四 方 」 , 仲 有 第 六 場 「 其 利 斷 金 」 都 係 韋 達 朝 早 霸 住 嚟 操 嘅 馬 , 新 季 會 否 成 為 開 倉 班 底 就 唔 知 , 只 知 道 韋 達 好 重 視 , 兼 且 前 三 駒 今 場 均 出 王 牌 , 擺 明 撐 韋 達 而 來 。