昔日
蘋 果 頭 條 :
落 飛 得 手 大 笑 輸 馬 走 位 勁 蝕
蔡 明 紹 珍 老 襯

【 本 報 訊 】 昨 日 賽 事 在 天 雨 下 進 行 , 不 少 馬 匹 跑 法 不 似 預 期 ( 見 表 ) , 其 中 蔡 明 紹 於 第 四 場 策 「 珍 珠 鳳 凰 」 由 早 段 二 叠 , 入 直 路 前 竟 已 走 到 外 父 咁 外 ( 上 圖 ) , 與 他 於 第 二 場 策 「 大 笑 大 少 」 ( 右 圖 ) 沿 內 欄 慳 位 跑 法 贏 馬 , 完 全 判 若 兩 人 , 騎 法 令 不 少 馬 迷 睇 到 「 O 」 晒 嘴 。


蔡 明 紹 的 表 現 就 真 是 令 投 注 了 他 的 馬 迷 又 愛 又 恨 , 他 於 第 二 場 策 「 大 笑 大 少 」 好 醒 目 , 出 閘 即 力 騎 霸 住 內 欄 慳 位 贏 馬 , 九 歲 老 馬 飛 到 馬 到 ; 相 反 , 蔡 明 紹 於 第 四 場 策 「 珍 珠 鳳 凰 」 , 卻 一 早 移 出 三 叠 , 入 直 路 更 飛 出 大 外 叠 , 姍 姍 來 遲 跑 第 五 。 「 大 笑 大 少 」 已 兩 季 未 勝 , 加 上 已 九 歲 , 竟 然 有 人 睇 好 , 入 閘 前 由 逾 十 倍 , 落 飛 到 次 熱 門 5 . 9 倍 贏 馬 。 相 反 , 蔡 明 紹 於 第 四 場 策 「 珍 珠 鳳 凰 」 , 入 閘 前 飛 數 越 賣 越 冷 , 此 駒 排 六 檔 起 步 , 早 段 拍 住 李 寶 利 策 騎 的 「 美 麗 動 力 」 走 二 叠 , 但 不 久 後 「 珍 珠 鳳 凰 」 已 越 移 越 外 , 蝕 位 無 數 下 只 追 回 第 五 名 , 反 而 早 段 慳 晒 位 的 「 美 麗 動 力 」 , 入 直 路 一 攻 而 破 , 仲 彈 離 對 手 兩 個 多 馬 位 。 馬 迷 廖 先 生 謂 , 沒 預 計 到 蔡 明 紹 策 「 珍 珠 鳳 凰 」 會 移 到 外 父 咁 外 , 咁 跑 法 同 大 讓 賽 有 何 分 別 , 令 人 懊 惱 。

近 三 季 與 苗 禮 德 合 作 輸 晒
苗 禮 德 訓 練 的 「 珍 珠 鳳 凰 」 今 仗 初 配 蔡 明 紹 , 翻 查 騎 練 近 三 季 合 作 成 績 , 合 作 2 4 次 全 部 輸 晒 , 連 Q 都 未 有 過 。