昔日
賽 後 評 : 四 月 二 十 三 日 沙 田 十 場 泥 草 地 日 馬

第 一 場 : 「 上 浦 福 滿 」 時 廐 罕 有 打 叠 贏 , 此 馬 受 騎 受 鞭 捧 前 要 先 睇 配 搭 。 「 八 太 子 」 同 前 駒 相 差 八 磅 係 勝 負 關 鍵 。 「 精 彩 飛 動 」 周 三 晚 谷 草 一 哩 有 胡 叫 。 「 架 勢 」 繼 續 減 分 等 機 會 。 「 威 水 武 士 」 睇 走 勢 肯 定 係 長 途 馬 。 「 佳 運 來 」 騎 足 全 程 反 應 一 般 , 返 草 地 至 諗 。

第 二 場 : 「 旋 風 腿 」 落 五 班 一 擊 即 中 , 估 計 約 加 六 分 同 上 季 贏 馬 時 仍 有 水 位 。 「 領 闖 者 」 四 、 五 班 升 降 機 發 揮 已 一 絕 。 「 大 龍 騰 」 返 五 班 即 上 名 , 馬 房 會 把 握 再 博 。 「 皇 帝 詔 令 」 、 「 神 乎 其 技 」 轉 倉 不 進 反 退 ! 「 越 跑 越 好 」 志 不 在 此 。 「 非 同 凡 響 」 北 半 球 馬 進 展 緩 慢 。

第 三 場 : 「 二 郎 」 落 到 三 倍 連 P 都 冇 , 有 損 失 馬 房 會 好 快 交 代 。 「 健 快 聯 盟 」 輕 鬆 添 食 , 上 三 班 阻 力 不 大 。 「 深 愛 」 場 場 得 個 「 追 」 字 , 長 期 唔 博 W 有 賺 冇 蝕 ! 「 小 福 將 」 若 非 利 敬 國 走 位 論 盡 已 得 手 , 再 出 肯 熱 食 篤 定 補 中 。 「 歡 樂 小 子 」 老 馬 如 換 牌 仔 減 磅 才 值 博 。

第 四 場 : 「 愛 飛 一 號 」 打 叠 贏 返 三 班 , 遇 弱 組 仍 有 條 件 偷 鷄 。 「 星 叻 」 全 程 外 叠 望 空 唔 輸 至 奇 ! 「 八 心 之 友 」 已 減 夠 分 , 小 心 谷 草 發 難 。 「 勁 得 手 」 走 位 太 蝕 。 「 怪 獸 都 市 」 泥 地 馬 宜 長 期 兼 顧 一 注 。 「 頌 友 」 陳 嘉 熙 明 顯 騎 唔 郁 ! 「 霽 月 高 風 」 、 「 自 由 旺 」 志 在 減 分 。

第 五 場 : 「 遨 遊 戰 士 」 三 歲 馬 升 三 班 無 驚 無 險 添 食 , 希 望 不 會 因 評 磅 員 狂 加 分 扼 殺 質 新 好 馬 。 「 快 樂 歡 騰 」 能 否 交 到 表 現 全 取 決 於 出 閘 ! 「 亮 先 生 」 全 靠 陳 嘉 熙 減 十 磅 跑 第 三 。 「 新 力 寶 」 澳 洲 PP 插 班 初 出 走 勢 合 格 有 餘 。 「 加 州 更 好 」 、 「 夢 幻 人 生 」 未 見 真 章 。

第 六 場 : 「 福 多 寶 」 試 準 加 眼 罩 成 功 補 中 , 但 進 步 之 大 有 點 匪 夷 所 思 ! 「 一 舖 成 名 」 前 中 段 耗 力 嫌 多 , 今 仗 加 程 落 敗 有 保 留 。 「 電 路 三 號 」 由 田 泰 安 換 李 寶 利 唔 似 馬 房 慣 用 手 法 。 「 七 寶 」 三 歲 馬 未 見 真 章 。 「 乘 勝 追 擊 」 評 分 已 差 唔 多 , 用 雷 神 亦 只 能 爭 位 。

第 七 場 : 「 好 吉 利 」 終 於 交 代 , 睇 姿 態 泥 地 性 能 唔 簡 單 ; 「 豹 子 頭 」 何 澤 堯 放 手 揀 騎 前 駒 贏 , 今 仗 敗 不 作 準 。 「 平 天 凡 」 初 跑 泥 地 旨 在 考 驗 , 未 必 不 合 發 揮 。 「 開 心 神 駒 」 七 歲 馬 今 季 迴 光 勇 , 短 期 再 出 遇 冷 勿 忘 。 「 激 賞 」 有 點 名 大 於 實 。 「 仁 者 荃 心 」 放 得 太 快 !

第 八 場 : 「 皇 者 勝 利 」 賽 前 抖 足 做 兩 個 大 閘 , 反 映 休 出 戰 鬥 力 特 佳 。 「 平 海 飛 星 」 贏 完 1 8 0 0 米 縮 一 哩 能 入 Q 已 好 勁 。 「 人 民 武 士 」 臨 場 票 數 軟 弱 演 出 一 般 , 大 摩 必 有 後 着 。 「 電 玩 皇 者 」 有 前 冇 後 。 「 悅 裕 」 靠 追 型 跑 泥 地 太 被 動 。 「 滿 冠 熊 」 漸 入 佳 境 可 繼 續 留 意 。

第 九 場 : 「 地 大 大 」 雖 全 熱 補 中 , 但 陳 嘉 熙 騎 來 明 顯 手 忙 腳 亂 ! 「 好 好 利 高 」 同 前 駒 負 磅 拉 遠 至 1 8 磅 , 輸 係 預 期 之 內 。 「 萬 事 叻 」 有 前 冇 後 , 靭 力 仍 未 養 成 。 「 軍 力 勁 」 飽 食 遠 颺 , 換 個 牌 仔 減 磅 隨 時 變 身 不 奇 。 「 添 好 運 」 老 馬 難 得 養 番 , 馬 房 一 定 會 交 代 。

第 十 場 : 「 最 合 拍 」 贏 得 比 預 期 輕 鬆 , 不 斷 進 步 中 。 「 追 風 者 」 1 4 0 0 米 係 目 前 最 佳 出 路 。 「 良 才 」 贏 完 有 第 四 , 以 馬 房 作 風 計 非 常 正 路 。 「 錶 之 銳 」 全 條 直 路 隊 入 內 欄 塞 多 過 跑 。 「 美 妙 星 」 只 差 一 分 落 班 未 見 真 章 。 「 一 見 傾 心 」 再 出 換 人 隨 時 到 位 。