昔日
馬 圈 八 一 八 : 史 卓 豐 攤 凍 食
 

喺 香 港 要 做 一 個 騎 師 好 難 , 做 一 個 成 功 嘅 騎 師 更 難 , 講 嚟 講 去 講 咗 幾 廿 年 都 係 出 得 個 告 東 尼 ! 唔 知 出 錢 、 出 力 嘅 馬 會 有 乜 感 覺 ? 到 底 係 資 源 、 培 訓 方 面 出 問 題 ? 抑 或 香 港 真 係 再 搵 唔 到 一 個 天 生 有 騎 馬 天 分 嘅 人 ?

計 高 明 話 並 非 搵 唔 到 , 而 係 港 產 騎 師 要 喺 香 港 馬 圈 生 存 , 根 本 係 一 個 童 話 故 事 ! 事 關 外 地 引 入 嘅 公 司 騎 師 , 可 以 留 得 低 喺 香 港 發 展 嘅 一 隻 手 都 數 得 晒 ! 新 嚟 嘅 貝 力 斯 、 夏 禮 賢 , 目 前 仍 處 於 揼 石 仔 階 段 , 搵 馬 跑 賺 策 騎 費 已 難 , 更 遑 論 騎 匹 有 餐 士 嘅 馬 ? 雖 然 佢 哋 都 獲 續 牌 騎 到 煞 科 , 但 好 多 網 友 已 開 盤 估 佢 兩 位 邊 個 會 率 先 走 投 ?

數 近 批 能 夠 喺 香 港 企 得 住 腳 嘅 肯 定 係 史 卓 豐 , 雖 唔 算 大 紅 大 紫 , 之 但 係 都 叫 做 有 支 持 , 今 季 2 6 W 在 手 , 成 績 比 起 李 寶 利 、 利 敬 國 同 郭 能 都 好 ( 沈 拿 連 續 受 傷 冇 數 計 ) , 史 卓 豐 向 來 俾 人 印 象 熱 倒 冷 爆 , 演 出 飄 忽 , 之 但 係 你 話 佢 算 唔 算 係 騎 得 之 人 ? 相 信 好 多 人 都 會 答 : 「 要 睇 吓 賠 率 囉 ! 」 事 實 上 佢 在 港 贏 2 4 場 , 有 1 3 W 即 一 半 係 1 0 倍 以 上 ( 見 圖 表 ) 。

今 晚 谷 草 史 卓 豐 騎 六 駒 , 今 季 已 兩 W ( 一 W 從 化 ) 嘅 第 三 場 「 龍 騰 馬 躍 」 注 定 成 為 大 熱 , 匹 馬 今 季 落 入 丁 仔 手 終 於 開 竅 , 贏 完 兩 W 仲 喺 五 班 跑 牌 面 着 數 , 正 常 發 揮 應 該 穩 贏 第 三 W 反 彈 番 返 四 班 ; 第 五 場 「 飛 雲 騅 」 確 認 唔 係 麥 菲 文 寶 藏 , 之 但 係 去 咗 方 仔 後 已 落 到 4 9 分 新 低 , 今 晚 跑 番 喺 方 仔 手 叫 做 跑 得 最 好 嘅 谷 草 1 2 0 0 米 , 計 正 應 該 有 糊 叫 。

方 仔 仲 有 第 六 場 「 綠 野 先 駒 」 彈 俾 史 卓 豐 , 呢 匹 南 半 球 PP 喺 田 草 兜 咗 兩 轉 過 嚟 跑 谷 草 , 冇 試 閘 、 冇 賽 績 可 跟 , 之 但 係 勝 在 有 黃 金 一 檔 , 初 出 嗰 場 田 草 1 2 0 0 米 , 早 段 貼 欄 跟 七 、 八 位 , 拉 士 超 級 馬 「 春 花 秋 月 」 彈 甩 贏 兩 個 身 位 , 而 「 綠 野 先 駒 」 了 了 吓 跑 第 四 , 拍 住 「 路 路 通 」 一 齊 過 終 點 , 算 唔 算 走 光 ? 大 家 睇 番 條 片 自 己 判 斷 可 也 !