go prev
zoom
go next
■潘明輝上季策盈華盛甲(7號)在劣勢下後來居上,首次在谷草出賽即贏馬。
■已退役NBA球星高比拜恩(右)是潘明輝的偶像。
■潘明輝是見習生,工作包括幫馬匹梳毛。
■潘明輝在澳洲學藝時曾膺冠軍見習生。
圖片: 1 / 4
昔日
蘋 果 新 聞 : 偶 像 NBA 球 星 拜 恩 啟 發
潘 明 輝 學 打 逆 境 戰

【 本 報 訊 】 在 南 澳 洲 取 1 1 7 場 頭 馬 的 潘 明 輝 上 季 尾 返 港 出 賽 短 短 三 個 月 , 火 速 獵 取 2 2 場 頭 馬 。 這 位 2 3 歲 新 人 王 的 贏 馬 秘 訣 , 原 來 是 從 NBA ( National Basketball Association , 譯 名 國 家 籃 球 協 會 ) 傳 奇 球 星 高 比 拜 恩 所 啟 發 , 學 習 拜 恩 如 何 打 逆 境 戰 。


記 者 : 林 湛 穎   潘 : 潘 明 輝
記 : 記 得 你 喺 香 港 初 次 上 陣 前 , 曾 提 過 自 己 喺 上 水 雙 魚 河 附 近 長 大 , 經 常 撞 見 業 餘 騎 手 策 騎 馬 匹 踱 步 , 漸 漸 對 騎 馬 感 到 興 趣 , 最 終 成 為 騎 師 , 你 認 為 自 己 有 乜 特 質 , 對 你 嘅 事 業 有 重 大 影 響 ?
潘 : 由 中 學 生 時 代 開 始 , 我 已 經 係 體 育 迷 , 足 球 我 專 踢 左 閘 , 籃 球 就 司 職 控 球 後 衛 , 學 校 陸 運 會 嘅 短 跑 賽 事 都 會 跑 埋 一 份 , 經 常 留 意 各 樣 體 育 比 賽 賽 果 , 自 己 好 喜 歡 出 汗 嘅 感 覺 , 更 鍾 意 親 自 落 場 比 賽 , 如 果 我 贏 出 , 好 享 受 嗰 種 「 叻 過 你 」 嘅 感 覺 。

記 : 你 會 視 邊 一 位 運 動 員 為 榜 樣 ?
潘 : 我 鍾 意 咗 高 比 拜 恩 好 耐 , 記 得 佢 未 退 役 嗰 陣 , 每 次 湖 人 隊 打 入 季 後 賽 , 我 都 會 盡 量 睇 直 播 , 最 欣 賞 高 比 對 籃 球 嘅 激 情 同 投 入 感 。 嗰 陣 時 湖 人 擅 長 打 逆 境 波 , 頭 兩 節 落 後 好 多 , 但 第 三 節 開 始 就 慢 慢 追 上 嚟 , 嗰 一 刻 心 情 就 開 始 緊 張 , 到 第 四 節 完 場 前 一 刻 終 於 反 先 , 拜 恩 當 打 嗰 陣 , 好 振 奮 人 心 , 所 射 嘅 絕 殺 經 常 都 入 , 關 鍵 時 刻 能 夠 好 冷 靜 處 理 , 冇 手 忙 腳 亂 , 的 確 振 奮 人 心 , 雖 然 過 程 令 我 緊 張 到 毛 管 戙 , 但 好 享 受 嗰 種 感 覺 。 曼 聯 亦 畀 到 我 呢 種 感 覺 , 往 往 佢 哋 落 後 嗰 陣 , 總 係 會 令 人 感 覺 到 「 紅 魔 鬼 」 一 定 會 喺 關 鍵 時 刻 後 來 居 上 。

記 : 今 季 所 贏 嘅 2 2 場 頭 馬 , 有 冇 令 自 己 「 毛 筒 戙 」 ?
潘 : 暫 時 未 有 , 但 喺 南 澳 洲 出 賽 時 曾 經 有 幾 場 頭 馬 , 自 己 份 外 回 味 ; 喺 香 港 好 快 升 格 成 為 減 七 磅 見 習 生 , 當 然 係 好 理 想 嘅 成 績 , 亦 有 助 增 強 自 信 心 , 但 講 到 有 邊 場 頭 馬 特 別 難 忘 , 又 唔 算 有 , 因 為 嫌 自 己 發 揮 未 算 完 美 , 我 希 望 隨 騎 功 提 升 , 日 後 真 真 正 正 有 一 場 頭 馬 , 能 夠 令 外 界 認 同 自 己 嘅 能 力 。

唔 夠 果 斷 搏 失 龍 船 鼓 響
記 : 喺 陣 上 有 冇 一 啲 地 方 , 你 認 為 自 己 做 得 未 夠 好 ?
潘 : 應 付 外 檔 馬 方 面 , 出 閘 後 嘅 反 應 同 走 位 未 夠 機 警 , 係 自 己 太 論 盡 , 冇 機 會 楔 入 內 叠 , 搞 到 喺 外 叠 唔 上 唔 落 , 蝕 得 太 多 位 , 呢 啲 情 況 自 己 處 理 得 唔 太 理 想 , 陣 上 唔 夠 果 斷 , 我 會 落 多 啲 苦 功 。 好 似 季 尾 騎 「 龍 船 鼓 響 」 , 自 己 檢 討 番 , 出 閘 後 嘅 判 斷 力 唔 夠 好 , 寧 願 留 後 , 總 好 過 喺 外 叠 望 空 , 蝕 得 太 多 。

記 : 見 習 生 騎 放 頭 馬 最 易 發 揮 出 威 力 , 但 你 都 有 贏 出 唔 少 後 上 馬 , 如 谷 草 「 盈 華 盛 甲 」 及 田 草 「 福 愛 寶 」 等 , 策 騎 後 上 馬 有 乜 心 得 呢 ?
潘 : 騎 後 上 馬 時 , 我 會 喺 賽 前 睇 番 賽 駒 嘅 賽 事 重 播 , 再 問 問 練 馬 師 , 了 解 匹 馬 嘅 發 力 點 ; 個 人 認 為 發 揮 後 上 馬 , 要 令 隻 馬 早 段 走 得 舒 服 , 賽 駒 有 足 夠 時 間 掌 握 到 節 奏 , 然 後 直 路 加 速 需 要 連 貫 , 唔 好 畀 幾 下 又 斷 幾 下 , 窒 礙 衝 刺 嘅 節 奏 。

記 : 你 已 由 1 0 磅 升 格 為 七 磅 見 習 生 , 新 季 有 乜 目 標 ?
潘 : 我 唔 敢 為 頭 馬 數 目 定 下 目 標 , 但 當 然 希 望 自 己 嘅 騎 功 會 更 進 一 步 , 喺 上 季 尾 , 教 頭 高 雅 志 同 我 一 齊 做 檢 討 , 希 望 新 季 用 鞭 嘅 技 巧 有 明 顯 改 進 , 上 季 用 鞭 次 數 過 多 , 開 右 手 鞭 嘅 技 術 亦 有 所 不 足 。 有 時 一 心 急 , 內 心 一 亂 咗 就 用 鞭 多 咗 , 現 時 已 經 升 格 成 七 磅 見 習 騎 師 , 減 磅 優 勢 會 逐 漸 減 少 , 趁 暑 假 好 好 反 思 , 然 後 改 善 , 希 望 新 季 再 有 新 突 破 。

師 傅 賀 賢 接 納 意 見
  
  
  
   
潘 明 輝 被 南 澳 洲 傳 媒 和 馬 迷 封 為 「 潘 火 車 」 ( Poon Train ) , 意 指 不 斷 向 前 衝 。 他 在 當 地 跟 隨 練 馬 師 佐 利 學 習 , 而 佐 利 任 見 習 生 時 , 曾 經 跟 隨 曾 在 當 地 開 倉 的 賀 賢 , 換 句 話 說 , 賀 賢 亦 是 潘 明 輝 的 師 公 。

記 : 所 謂 嚴 師 出 高 徒 , 你 覺 得 傅 賀 賢 嚴 厲 嗎 ?
輝 : 無 論 晨 操 或 出 賽 , 賀 賢 畀 我 嘅 要 求 好 明 確 清 晰 , 我 向 佢 匯 報 , 感 覺 似 向 朋 友 「 大 哥 哥 」 般 交 談 , 佢 係 一 位 重 視 意 見 、 友 善 嘅 「 阿 頭 」 。 例 如 我 在 晨 課 操 「 盈 華 盛 甲 」 時 , 留 意 到 隻 馬 可 能 只 得 三 歲 , 性 格 較 膽 小 , 不 太 喜 歡 在 馬 群 中 競 跑 , 馬 兒 在 六 月 首 戰 谷 草 , 賽 前 我 便 向 賀 賢 提 議 讓 座 騎 走 外 叠 , 並 在 轉 彎 時 提 早 發 力 望 空 , 使 「 盈 華 盛 甲 」 在 直 路 上 遠 離 馬 群 , 有 十 足 空 間 加 速 , 結 果 馬 兒 放 膽 灑 開 大 步 衝 刺 掄 元 。