昔日
蘋 果 頭 條 : 男 人 四 十 跌 whatt
郭 能 積 極 抗 戰

 
【 本 報 訊 】 對 人 稱 Ironman 的 郭 能 來 說 , 上 個 馬 季 是 先 苦 後 甜 , 他 是 最 遲 開 齋 的 外 籍 大 師 傅 , 季 初 長 時 間 打 逆 境 波 , 直 至 季 中 憑 「 美 麗 大 師 」 爆 冷 捧 走 二 級 賽 主 席 錦 標 , 手 風 轉 順 , 贏 得 大 賽 後 個 多 星 期 , 小 兒 子 Will 出 世 , 全 季 只 有 2 5 場 頭 場 進 賬 , 較 前 季 4 7 場 大 幅 倒 退 , 在 上 月 踏 入 4 0 歲 的 Ironman 對 這 張 成 績 表 感 到 不 滿 , 他 強 調 自 己 體 力 依 然 充 沛 , 新 季 希 望 V 型 反 彈 , 並 再 次 夥 拍 「 積 極 皇 」 及 「 鑽 得 勁 」 等 嫡 系 座 騎 爭 取 佳 績 。
記 : 記 者 林 湛 穎
郭 : 郭 能


記 : 上 季 你 只 贏 出 2 5 場 頭 馬 , 之 前 三 個 馬 季 嘅 頭 馬 數 目 分 別 係 4 7 、 4 0 、 4 7 場 , 有 冇 諗 過 上 季 成 績 大 幅 退 步 嘅 原 因 ?

郭 : 人 生 始 終 有 高 潮 低 潮 , 前 季 ( 1 6 / 1 7 年 度 馬 季 ) 嘅 開 鑼 日 第 一 場 , 我 即 憑 「 四 季 勁 」 贏 馬 , 係 嗰 季 第 一 個 開 齋 嘅 騎 師 , 相 反 上 季 要 苦 戰 近 一 個 月 , 先 至 憑 「 君 子 精 神 」 贏 馬 。 每 個 騎 師 都 渴 望 贏 馬 , 我 亦 一 樣 , 但 上 季 開 局 開 得 幾 差 , 難 免 有 練 馬 師 同 馬 主 因 而 失 去 信 心 。


記 : 上 季 頭 馬 數 目 未 能 維 持 4 0 , 甚 至 3 0 大 關 都 衝 破 唔 到 , 真 係 令 人 意 外 。

郭 : 全 季 只 得 2 5 場 頭 馬 , 當 然 係 失 望 , 當 你 細 心 留 意 , 我 分 別 有 3 3 個 亞 軍 同 3 9 個 季 軍 , 數 目 都 較 冠 軍 多 出 一 截 , 部 份 亞 軍 係 影 相 或 以 短 距 離 飲 恨 , 有 少 少 欠 運 。 我 踏 入 「 男 人 四 十 」 , 但 鬥 心 、 體 能 同 對 賽 馬 嘅 熱 情 絕 唔 會 因 而 衰 退 , 我 同 家 人 雖 然 返 歐 洲 放 暑 假 , 但 絕 對 冇 鬆 懈 , 每 日 都 保 持 運 動 量 , 嚴 格 監 控 體 重 , 今 個 月 中 返 港 後 便 會 全 力 操 馬 , 到 下 月 2 日 開 鑼 日 , 我 會 達 到 十 足 狀 態 , 新 季 目 標 嘅 頭 馬 數 目 重 上 4 字 頭 就 最 美 滿 。


記 : 「 美 麗 大 師 」 爆 出 3 7 倍 大 冷 奪 得 主 席 錦 標 , 都 算 得 上 係 你 上 季 嘅 代 表 作 。

郭 : 「 美 麗 大 師 」 2 0 1 5 年 喺 香 港 一 出 即 勝 , 正 正 就 由 我 操 刀 , 我 對 「 美 麗 大 師 」 嘅 脾 氣 非 常 了 解 , 有 一 個 有 趣 嘅 數 據 , 大 家 可 能 唔 知 , 我 總 共 騎 過 「 美 麗 大 師 」 2 0 次 , 有 1 8 次 走 入 前 五 名 , 有 獎 金 收 。 「 美 麗 大 師 」 已 經 7 歲 , 但 爭 勝 心 冇 因 為 年 紀 漸 大 而 有 所 減 弱 , 告 東 尼 係 一 位 出 色 嘅 練 馬 師 , 我 深 相 「 美 麗 大 師 」 寶 刀 未 老 , 新 季 仍 然 會 喺 級 際 賽 交 出 成 績 。

與 告 東 尼 放 低 分 歧
記 : 講 開 告 東 尼 , 昔 日 由 佢 訓 練 嘅 「 將 男 」 , 喺 你 胯 下 贏 出 女 皇 盃 同 遮 打 盃 , 上 季 卻 有 一 段 時 間 , 你 哋 兩 個 冇 合 作 。

郭 : 事 件 已 經 過 去 , 大 家 現 時 都 放 低 分 歧 , 除 「 美 麗 大 師 」 之 外 , 我 喺 季 尾 策 「 加 州 議 長 」 捧 走 港 澳 盃 , 同 樣 係 一 場 令 我 感 到 津 津 樂 道 嘅 賽 事 。 自 「 將 男 」 退 役 後 , 我 渴 望 能 夠 喺 大 賽 策 騎 到 具 實 力 嘅 賽 駒 , 希 望 再 度 揚 威 大 賽 , 我 衷 心 感 激 告 東 尼 信 任 我 。 除 「 將 男 」 , 前 季 「 幸 福 指 數 」 贏 出 二 級 賽 百 周 年 紀 念 短 途 盃 , 都 係 我 喺 香 港 所 贏 出 嘅 重 要 賽 事 , 希 望 我 同 告 東 尼 將 來 繼 續 合 作 。


記 : 除 告 東 尼 之 外 , 姚 本 輝 由 你 喺 2 0 1 0 至 1 1 年 度 馬 季 初 次 嚟 香 港 客 串 時 , 已 大 力 支 持 你 , 上 季 合 作 共 交 出 六 場 頭 馬 。

郭 : 姚 本 輝 有 很 多 有 潛 質 嘅 自 購 新 馬 , 「 積 極 皇 」 上 季 喺 谷 草 連 贏 兩 場 , 其 後 因 為 腳 部 骨 裂 而 缺 陣 半 年 , 幸 季 尾 已 復 出 , 證 明 健 康 已 無 問 題 ; 「 鑽 得 勁 」 首 季 服 役 即 能 夠 贏 出 田 草 、 谷 草 同 田 泥 , 以 年 幼 馬 嚟 講 係 非 常 難 得 , 其 中 兩 場 頭 馬 都 由 我 操 刀 , 唞 暑 前 就 喺 雷 莫 拉 胯 下 贏 出 三 班 田 泥 1 2 0 0 米 , 證 明 匹 馬 能 夠 喺 三 班 站 穩 陣 腳 , 馬 兒 天 性 準 繩 , 幾 乎 每 次 出 賽 都 跑 入 前 四 名 , 新 季 轉 為 五 歲 , 踏 入 戰 鬥 力 黃 金 期 , 希 望 佢 會 更 上 一 層 樓 。